منتدى واحة الأدب

للأدب والفنون


    اللي غلب يعف..

    شاطر

    عبد الغني الراقي (الراغي)

    عدد المساهمات : 2
    نقاط : 4
    تاريخ التسجيل : 25/12/2011

    اللي غلب يعف..

    مُساهمة  عبد الغني الراقي (الراغي) في الأحد يناير 01, 2012 4:13 pm

    ف زمان أُوباما
    وعَصْر الحاسوب مع العولـما
    شدّ ف الأصل و زيد و خلّف


    حيّد لكماما
    و ضوِّي بْلفهم دْروب مظلاما
    و من جوف الناي رخّم الحرف


    بطْيوب لـخزاما
    عطّر الجو واجْمع اللاَّما
    بندق للزين وارْجع بْالْخلْف


    خلخل شاما
    و تْبورد عْلى ظهر النّْعاما
    و من علاَّفْة الـمركوب لا تعْلف


    كون بُوشْهاما
    مْعلّم علاَّم ف لُوغا هاما
    وِيديك ف الزّْناد و هزّْ لكتف


    زيّر لعماما
    تْبان النّخوة باع و قاما
    طاوع الكفّة و طوّع الكف


    خُوذ الزّْعاما
    صيّد لحجل و روّض حْماما
    توصّْل لبرا و ترْجع بْالْخفّ


    و فسّر مْناما
    لا تْجاحد فقيه تْروح ف طاما
    قاطع لقطيع و رُوم للصّفّ


    ميّز التّْواما
    و مابين دال وذال مُعجَما
    اجْزم تفهم وعْرق تنشف


    و بْيادق الضَّاما
    حلّق دْقونْها بْموس بْلا ما
    و حضر لعقل قبل ما تشرف


    و بْدون مْلاما
    عْفيتْك من الزّْرورة وحق لغْراما
    خوذ طربوشي و زوّْل العرْف


    و نْدُوزك بْالسّْلاما
    راسي شْتاق لـمْشارط لـحْجاما
    ف تْمام الطرح اللي غلب يعفّ
    avatar
    مؤسـس واحة الأدب
    Admin

    عدد المساهمات : 37
    نقاط : 77
    تاريخ التسجيل : 27/11/2010

    رد: اللي غلب يعف..

    مُساهمة  مؤسـس واحة الأدب في الجمعة يونيو 08, 2012 6:14 am

    [size=18][/جميل ما قرات، وهذا ما عودتنا عليه يا راقيا، يلزم الرد على القصيدة بكلام موزون، رعاك الله أستاذ عبدالغنيsize]

      الوقت/التاريخ الآن هو الثلاثاء نوفمبر 13, 2018 6:29 pm